trippel c s piller http://norgepiller.com/kjop-cialis/ hvor lenge du vil beholde medisinske poster

Fréttir frá Breiðfirðingafélaginu

23. Apríl 2020
 
Kæru Breiðfirðingar
Gleðilegt sumar!
Nú vorar á höfuðborgarsvæðinu og vonandi um allt land.
Veirufaraldurinn hefur haft ótrúlega mikil áhrif á allt okkar líf núna frá því í byrjun mars. Vonandi hafið þið sloppið vel frá veikindum en
félagsstarfið okkar í Breiðfirðingabúð hefur alveg legið niðri frá því
samkomubannið var sett á.
Það er skemmst frá því að segja að öllu sem vera átti í Breiðfirðingabúð í mars, apríl og fram til 4. maí hefur verið aflýst.
Stjórn Breiðfirðingafélagsins hefur fundað og reynt að skera niður kostnað við húsið eins og unnt er.
Dagur aldraðra sem vera átti 3. maí fellur niður en við stefnum á að hittast í gróðurreit félagsins í Heiðmörk þriðjudagskvöldið 9. júní kl. 19.
Þar hljótum við að geta haldið 2 metra fjarlægð frá hvert
öðru þó nokkrir mæti.
Tímaritið Breiðfirðingur, 68. árgangur, kemur út núna fljótlega og verður sent í pósti til áskrifenda.
Ritstjóri er Pétur Ástvaldsson og með honum í ritnefnd eru Haraldur Finnsson og Kristjón Sigurðsson.
Meðal efnis í ritinu er: Af hverju Tálknafjörður? Og kveðja til Breiðfirðings og þakkir eftir Svavar Gestsson; Skemmtilegasta starf sem ég hef verið í, rætt við Bryndísi Sigurðardóttur; Við verðum að lifa á einhverju, rætt við Björgvin Sigurjónsson; Kirkjan á Þinghóli; Seiðaeldisstöðin á Tálknafirði.
Ein sú fullkomnasta í heimi í nýtingu vatns, rætt við Sigurvin Hreiðarsson; Stóra-Laugardalskirkja; Unga fólkið heldur vestur, Einar Kr. Guðfinnsson; Baldur – fljótandi brú yfir Breiðafjörð í 95 ár, Haukur Már Haraldsson;
Fyrsta rútuferð fyrir Búlandshöfða. Menn létu segja sér tíðindin þrisvar, Einar Sigurðsson; Ferð fram á Búðardal og upphaf kirkju þar, Einar G. Pétursson; Blómmóðir besta. Konan í lífi og ljóði Jóns Thoroddsen, Helga Kress; Yngvildur Þorgeirsdóttir – Litskrúðugur lífsferill, Gylfi Pálsson;
Röðull, samkomuhús Skarðsstrendinga, Anna Fr. Kristjánsdóttir; Skógsmúli á Þverdal – afskekkt býli í Dölum, Árni Björnsson; Starfsemi Breiðfirðingafélagsins 2019-2020, Ingibjörg S. Guðmundsdóttir og Félag sem stendur á gömlum merg, Ólína Kristín Jónsdóttir segir frá
Barðstrendingafélaginu. Fjölmargar merkilegar myndir eru í ritinu.
Nýir áskrifendur geta haft samband við mig í tölvupósti This email address is being protected from spambots. You need JavaScript enabled to view it. eða í síma 8928077.
Næsti fundur stjórnar verður 7. maí og í framhaldi hans heyrið þið aftur frá mér.
Með bestu kveðju,
Ingibjörg S. Guðmundsdóttir

 

Additional information