Fréttabréf   

BREIÐFIRÐINGAFÉLAGSINS

Faxafen 14. 108 Reykjavík S: 581-4511

4. tbl. júní. 2012 18. árgangur

Ábyrgðarmaður Snæbjörn Kristjánsson

Kæru félagsmenn

Nú er sumarið gengið í garð, og fyrstu dagar júní mánaðar hafa verið tiltölulega heitir, en þrátt fyrir það gránaði Esjan niður í miðjar hlíðar að morgni 6. júní.

Vetrarstarfi félagsins lauk með degi aldraðra sem haldinn var 6. maí og var fjölmenni eins og undanfarin ár. Kórinn söng nokkur lög af dagskrá sinni. Systkinin Dallilja og Gunnar Sæmundarbörn sungu og spiluðu nokkur lög. Félag breiðfirskra kvenna sá að vanda um kaffið, en meðlætið sáu þær um ásamt skemmtinefnd, nokkrum kórfélögum og stjórn félagsins.

Breiðfirðingakórinn hélt sína árlegu vortónleika laugardaginn 14. apríl í Langholtskirkju. Dagskráin var fjölbreytt þar sem blandað er saman hefðbundnum íslenskum kórlögum og erlendum lögum af ýmsu tagi. Síðan fór kórinn í söngferðalag til Þýskalands, sem tókst vel í alla staði. Fararstjóri í ferðinni var Íris Sveinsdóttir og var skipulagningin til fyrirmyndar.

 Að venju var farið í Heiðmörkina 5. júní. Þar mættu tíu félagar. Gróðursettar voru 100 plöntur, borinn á áburður og grisjað. Sumarferð félagsins verður farin að Breiðabliki 22. til 24. júní og verður dagskráin með svipuðu sniði og undanfarin ár. Við vonumst til að sjá sem flesta í sumarferðinni.

Vetrardagskráin hefst síðan upp úr miðjum september.

Kær kveðja

Snæbjörn Kristjánsson, formaður

Sumarferð

Sumarferð félagsins verður að Breiðabliki 22. til 24. júní.

Dagskrá: 

Á föstudagskvöldinu hittumst við í salnum og spjöllum saman og segjum brandara. Hafið með ykkur gítar eða harmonikku. 

Á laugardag kl. 10:30 verður farið á eigin bílum (menn geta sameinast í bíla) í skoðunferð um nágrennið.  Kveikt verður upp í grillinu kl 18:00 og síðan skemmtum við okkur fram eftir nóttu.

Matur:

Menn nesta sig sjálfir að öðru leyti en því að félagið mun sjá um sameiginlega grillmáltíð á laugardagskvöldinu og er hún innifalin í þátttökugjaldinu.

Þátttökugjald:

Þátttökugjaldtil að greiða leigu á sameiginlegri aðstöðu, tjaldstæði, svefnpokaplássi í Breiðabliki og matinn á laugardags-kvöldinu  ofl. verður kr. 3500.- fyrir fullorðna, en frítt fyrir börn yngri en 14 ára. Þeir sem ekki gista greiða kr. 2000.- 

Ferðir:

Gert er ráð fyrir að fólk verði á eigin bílum.

Skráning:

Skráning í ferðina og pöntun á gistingu, er hægt að senda í tölvupósti á This email address is being protected from spambots. You need JavaScript enabled to view it. þar sem fram kemur fjöldi fullorðinna og barna, gisting á tjaldstæði,  í svefnpokaplássi eða hvort aðeins sé komið í mat.

Einnig er hægt skrá sig í ferðina og panta gistingu hjá Sæunni Thorarensen í síma 864-2201 og Herði Rúnari Einarssyni í síma 892-4511 og er um að gera að panta strax.

Það er mjög áríðandi að allir panti, þó að einungis sé mætt í matinn.

Stjórnin þarf að vita þátttöku fyrir þriðjudaginn 19. júní vegna matarinnkaupa ofl.

Fréttabréfið í tölvupósti

Stöðugt fjölgar þeim sem fá fréttabréfið sent í tölvupósti og er það töluverður sparnaður fyrir félagið, því póstburðargjöld, pappír og ljósritunarkostnaður fer stöðugt hækkandi.

Til að fá fréttabréfið sent í tölvupósti er þægilegast að senda tölvupóst á This email address is being protected from spambots. You need JavaScript enabled to view it. þar sem  nafn og heimilisfang kemur fram.

Skráning nýrra félaga

Ef þið þekkið einhvern sem vill ganga í Breiðfirðingafélagið, þá er hægt að skrá sig á netinu www.bf.is “Skráningar”

Minningarkort Breiðfirðingafélagsins

Minningarkort Breiðfirðingafélagsins eru til sölu hjá Grétari Sæmundssyni í síma 551-0986 og hjá húsvörðum Breiðfirðingabúðar í síma 892-4511.

	Snæbjörn Kristjánsson, formaður Smárarima 72, 112 Reykjavík, s. 587-6486, 696-9521, netfang: snaebjornk hjá islandia.is
	Hrönn Harðardóttir, varaformaður Stigahlíð 16, 105 Reykjavík s. 694 8992, netfang: hronnsa hjá hotmail.com
	Hörður Rúnar Einarsson, gjaldkeri Gautavík 18, 112 Reykjavík, s 557-9071, 892-4511 netfang: hre hjá mos.is, hre hjá centrum.is

Sigrún Halldórsdóttir, varagjaldkeri s: 861 5998, netfang: sigrunh hjá vortex.is

	Bjarnheiður Magnúsdóttir, ritari Mýrarseli 10, 109 Reykjavík s: 862-0546 netfang: bjarma hjá simnet.is
	Sigríður Karvelsdóttir, vararitari Blásölum 11, 201 Kópavogur, s. 557-4997, 869-0921, netfang: sgk hjá internet.is
	Inga Hansdóttir, meðstjórnandi Hverafold 62, 112 Reykjavík, s. 567-1563, 893-3349, netfang:

Varamenn í stjórn eru:

Júlíus Jónsson Fannborg 9, 200 Kópavogur, s. 554-3860, vs. 563-6535, netfang: juliusj hjá simnet.is

Alvilda Þóra Elísdóttir Víghólastíg 7, 200 Kópavogur s. 820-7509 netfang: alvilda hjá hive.is