Sumarferð 2011

Sumarferð félagsins var farin að Árbliki 24.-.26. júní og voru 104 í matnum á laugardagskvöldið.

Á föstudaginn kom fólk sér fyrir á tjaldstæðinu og í svefnpokaplássi. Um kvöldið hittist fólk í salnum og spjallaði saman og hlustaði á músik. Á laugardaginn var ekið frá Árbliki fyrir Fell og síðan niður Hundadal  og fram í Haukadal, þar sem stoppað var á Eiríksstöðum og síða var drukkið kaffi við Kirkjufellsrétt. Þá var farið að Hrútsstöðum og sýningin á Kaffi Kind skoðuð. Eftir það var farið í Leifsbúð og sýningar þar skoðaðar. Bingó var síðan í Árbliki. Um kvöldið var grillað að venju og eftir það var spilað og sungið. Hægt er að skoða myndir frá hátíðinni hér.

Fréttabréf BREIÐFIRÐINGAFÉLAGSINS 4. tbl. júní. 2011 17. árg. er komið út. Sjá nýjasta bréfið. 

Sækja Fréttabréf Breiðfirðingafélagsins og prenta út.

Sumarferð                    

Sumarferð félagsins verður að Árbliki 24. til 26. júní.

Dagskrá: 

Á föstudagskvöldinu hittumst við í salnum og spjöllum saman og segjum brandara. Hafið með ykkur gítar eða harmonikku. 

Á laugardag kl. 10:30 verður farið á eigin bílum (menn geta sameinast í bíla) í skoðunferð um nágrennið.  Kveikt verður upp í grillinu kl 18:00 og síðan skemmtum við okkur fram eftir nóttu.

Matur: Menn nesta sig sjálfir að öðru leyti en því að félagið mun sjá um sameiginlega grillmáltíð á laugardagskvöldinu og er hún innifalin í þátttökugjaldinu.

Þátttökugjald:

Þátttökugjald til að greiða leigu á sameiginlegri aðstöðu, tjaldstæði, svefnpokaplássi í Árbliki og matinn á laugardags-kvöldinu  ofl. verður kr. 3500.- fyrir fullorðna, en frítt fyrir börn yngri en 14 ára. Þeir sem ekki gista greiða kr. 2000.-

Ferðir: Gert er ráð fyrir að fólk verði á eigin bílum.

Skráning: Skráning í ferðina og pöntun á gistingu er hjá Herði Rúnari Einarssyni í síma 892-4511 og er um að gera að panta strax.

Einnig er hægt að senda tölvupóst á This email address is being protected from spambots. You need JavaScript enabled to view it. þar sem fram kemur fjöldi fullorðinna og barna, gisting á tjaldstæði,  í svefnpokaplássi eða hvort aðeins sé komið í mat.   

Það er mjög áríðandi að allir panti, þó að einungis sé mætt í matinn.

Stjórnin þarf að vita þátttöku fyrir þriðjudaginn 21. júní vegna matarinnkaupa ofl.