Hagyrðingakvöld 17. nóv. 2011

Hagyrðingakvöldið var haldið 17. nóv og var undir stjórn Níelsar Árna Lund.

Hagyrðingar voru: Hermann Jóhannsson, Jón Kristjánsson, Kristján Jóhann Jónsson og Sigrún Haraldsdóttir.

Þetta var gæða-hagyrðingakvöld, vel ortar og skemmtilegar vísur.

Hér koma tvær vísur frá Hermanni Jóhannessyni.

Sú fyrri er um vegagerðina á Vestfjörðum:

Það er dugandi fólk og vinnusamt fyrir vestan

vasklegir piltar og stúlkurnar hressar og frjálsar

að sjálfsögðu vilja menn veg þeirra allra sem mestan

en vegurinn kemur nú samt ekki strax, - góðir hálsar!

Svo er það vísan um samtökin „Stóru systur“ og þeirra markmið:

Sigga stóra systir mín

situr oft við netið.

Hún er að gabba gömul svín

sem girnast lambaketið.