trippel c s piller http://norgepiller.com/kjop-cialis/ hvor lenge du vil beholde medisinske poster

Fréttir frá Breiðfirðingafélaginu

Vísnakvöld þriðjudaginn 3. apríl 2012

Vísnakvöld verður haldið í Breiðfirðingabúð þriðjudaginn 3. apríl.

Samkoman hefst kl. 20:00 (húsið verður opnað kl. 19:30).

 

Dagskráin verður í aðalatriðum sem hér segir:

Upplestur og gamanmál. Kristján Hreinsson fer á kostum eins og honum er einum lagið og flytur gamalt og nýtt efni af ýmsum toga.

Ragnar Ingi Aðalsteinsson flytur stutta tölu um fyrirbæri sem hann kallar „stuðlatregðulögmálið“.

Kynning. Hagyrðingurinn og skáldið Þórður Gestsson frá Stakkhamri. Ragnar Ingi flytur.

 

Öryrkjar bregða á leik. Nokkrir valinkunnir hagyrðingar svara fyrirspurnum úr salnum í bundnu máli. Helgi Zimsen var einn um þetta síðast en nú fær hann liðsauka.

 

Ólöf Katrín Þórarinsdóttir sér um tónlistaratriði.

 

Eins og áður verður ort á staðnum. Sett verða fram yrkisefni og viðstaddir fá tækifæri til að sýna kunnáttu sína í vísnagerð. Þetta verða bæði fyrripartar til að botna og efni til að gera skil í heilli vísu. Vísurnar verða metnar af dómnefnd áður en kvöldið er liðið.

Inn á milli atriða verður farið með vísur og sögur sagðar. Gestum verður gefinn kostur á að tjá sig í pontunni ef þeir luma á góðri vísu eða stuttu skemmtilegu kvæði.

 

Þeir sem mæta á vísnakvöldið mega spreyta sig á að gera botna við þessa fyrriparta:

 

A:  Ást ég fann sem ekki brást,

      æstir draumar fengu ræst.

 

B:   Nóttin styttist, nálgast vor

      nú er lóan komin.

       

eða að yrkja vísu, eða stutt kvæði, um eftirtalin efni, annað eða bæði:

 

C:  Hvernig á næsti forseti að vera?

 

D:  Hvað ætlar þú að gera í sumar?

 

Úrlausnum skal skila við innganginn þegar mætt er á staðinn.

 

Skólavefurinn veitir vegleg bókaverðlaun fyrir bestu vísurnar eða glæsilegustu botnana.

 

Með bestu kveðjum

Ragnar Ingi

Aðgangseyrir er kr. 500 og er kaffi innifalið.

Additional information