Sumarferð 2012

Sumarferð félagsins var farin að Breiðabliki 22. til 24. júní og voru 87 í matnum á laugardagskvöldið.

Á föstudaginn kom fólk sér fyrir á tjaldstæðinu og í svefnpokaplássi. Um kvöldið hittist fólk í salnum og spjallaði saman. Leikið var á harmonikkur gítar og píanó og um það sáu þau Auður Baldursdóttir, Bjarni Karvelsson og Kópur Kjartansson. Á laugardaginn var ekið frá Breiðabliki fyrir jökul. Fyrst var stoppað við kirkjuna á Búðum og þar sagði Sigurður Eggertsson frá ýmsum stöðum, sem yrðu á leið okkar í ferðinni fyrir jökul og sögum tengdum þeim. Þá var stoppað á við höfnina á Arnarstapa og eftir það var ekið niður í Dritvík. Við Dritvík var drukkið kaffi og síðan haldið í Sjómannagarðinn á Hellisandi og hann skoðaður. Næst var stoppað í sögumiðstöðinni í Grundarfirði, þar sem Ingi Hans Jónsson sagði frá atvinnuháttum til sjós og lands fyrr á öldum. Bingó var síðan í Breiðabliki. Um kvöldið var grillað að venju og eftir það spilaði Birgir Kristjánsson á harmonikku, Grétar Bernódusson á trommur og Bjarni Karvelsson á hristu. Hægt er að skoða myndir frá hátíðinni hér

Sumarferð

Sumarferð félagsins verður að Breiðabliki 22. til 24. júní.

Dagskrá: 

Á föstudagskvöldinu hittumst við í salnum og spjöllum saman og segjum brandara. Hafið með ykkur gítar eða harmonikku. 

Á laugardag kl. 10:30 verður farið á eigin bílum (menn geta sameinast í bíla) í skoðunferð um nágrennið.  Kveikt verður upp í grillinu kl 18:00 og síðan skemmtum við okkur fram eftir nóttu.

Matur:

Menn nesta sig sjálfir að öðru leyti en því að félagið mun sjá um sameiginlega grillmáltíð á laugardagskvöldinu og er hún innifalin í þátttökugjaldinu.

Þátttökugjald:

Þátttökugjald til að greiða leigu á sameiginlegri aðstöðu, tjaldstæði, svefnpokaplássi í Breiðabliki og matinn á laugardags-kvöldinu  ofl. verður kr. 3500.- fyrir fullorðna, en frítt fyrir börn yngri en 14 ára. Þeir sem ekki gista greiða kr. 2000.- 

Ferðir:

Gert er ráð fyrir að fólk verði á eigin bílum.

Skráning:

Skráning í ferðina og pöntun á gistingu, er hægt að senda í tölvupósti á This email address is being protected from spambots. You need JavaScript enabled to view it. þar sem fram kemur fjöldi fullorðinna og barna, gisting á tjaldstæði,  í svefnpokaplássi eða hvort aðeins sé komið í mat.

Einnig er hægt skrá sig í ferðina og panta gistingu hjá Sæunni Thorarensen í síma 864-2201 og Herði Rúnari Einarssyni í síma 892-4511 og er um að gera að panta strax.

Það er mjög áríðandi að allir panti, þó að einungis sé mætt í matinn.

Stjórnin þarf að vita þátttöku fyrir þriðjudaginn 19. júní vegna matarinnkaupa ofl.