Sumarferð

Sumarferð félagsins verður að Þórisstöðum í Svínadal, Hvalfjarðarsveit, 21. til 23. júní. Þar er tjaldstæði og gistiaðstaða í sumarbústað, 3 herbergi. Einnig er þar lítið félagsheimili.

Dagskrá

Á föstudagskvöldinu hittumst við í salnum, spjöllum saman, syngjum og dönsum. Hafið með ykkur gítar eða harmonikku. 

Á laugardag kl. 10:30 verður farið á eigin bílum (menn geta sameinast í bíla) í óvissuferð. Síðan verður dagskrá fyrir börnin síðdegis. Kveikt verður upp í grillinu kl 19:00 og skemmtum við okkur fram eftir nóttu.

Matur

Menn nesta sig sjálfir að öðru leyti en því að félagið mun sjá um sameiginlega grillmáltíð á laugardagskvöldinu og er hún innifalin í þátttökugjaldinu.

Þátttökugjald

Þátttökugjaldið er kr. 6.000 fyrir fullorðna, sem er fyrir leigu á sameiginlegri aðstöðu, tjaldstæði og matinn á laugardagskvöldinu. Frítt er fyrir börn yngri en 14 ára.

Þeir sem ekki gista greiða kr. 3.000.

Rafmagn á tjaldstæði kostar kr. 800 sólarhringurinn og greiðist aukalega. Gisting í sumarbústað kostar aukalega 3.000 kr á mann nóttin.

Ferðir

Gert er ráð fyrir að fólk verði á eigin bílum.

Skráning

Skráning í ferðina er hjá Ingibjörgu Guðmundsdóttur í síma 8928077 eða á netfangið This email address is being protected from spambots. You need JavaScript enabled to view it. .  

Það er mjög áríðandi að allir panti, þó að einungis sé mætt í matinn.

 Stjórnin þarf að vita þátttöku fyrir þriðjudaginn 18. júní vegna matarinnkaupa o.fl.