Stjórn Breiðfirðingafélagsins
Fréttabréf BREIÐFIRÐINGAFÉLAGSINS 2. tbl. febrúar. 2016 22. árg. er komið út.
Fréttabréf 
BREIÐFIRÐINGAFÉLAGSINS
Faxafen 14. 108 Reykjavík S: 581-4511
2. tbl. febr. 2016 22. árgangur
Ábyrgðarmaður Snæbjörn Kristjánsson
Kæru félagsmenn
Þá er febrúarmánuður genginn í garð, sólin farin að hækka á lofti og dagurinn að lengjast. Senn líður að aðalfundi félagsins, en hann verður haldinn í Breiðfirðingabúð, fimmtudaginn 18. febrúar, kl 20:30. Vonandi sjá sem flestir sér fært að mæta. Kjörnefnd hefur unnið hörðum höndum að finna fólk til að gefa kost á sér í stjórn, en hana skipa þau: Benedikt Egilsson, s: 824-8402, Bjarnheiður Magnúsdóttir, s: 862-0546 og Guðmundur Theodórs s: 894-0328.
Eins og ævinlega mun Félag Breiðfirskra kvenna sjá um kaffi og meðlæti. Starfsemi félagsins er nú í fullum gangi og gengur vel. Félagsvist er spiluð á sunnudögum og bridge á sunnudagskvöldum. Þátttaka í félagsvistinni hefur ekki verið eins góð í vetur og hún var í fyrra. Prjónakaffið er alltaf jafn vinsælt og er von á ýmsum kynningum fram á vor. Árshátíð á þorra var haldin í Breiðfirðingabúð laugardaginn 23. janúar. Tindatríóið sá um veislustjórn skemmti okkur með söng og gríni. Hljómsveitin Traustir vinir lék fyrir dansi. Ég vil fyrir hönd félagsins þakka öllum, sem stóðu að árshátíðinni, fyrir frábæra skemmtun. Margt er enn á dagskrá félagsins, Páskabingó og svo að sjálfsögðu dagur aldraðra, sjá nánar á næstu síðu. Sumarferð félagsins verður að þessu farin austur fyrir fjall, nánar tiltekið að Heimalandi, sem er rétt austan við Seljalandsfoss, helgina 24. til 26. júní.
Kær kveðja
Snæbjörn Kristjánsson, formaður
Félagsvist verður spiluð eftirtalda sunnudaga:
7. febr. 1. dagur í fjögurra daga keppni
14. febr. 2. dagur í fjögurra daga keppni
21. febr. 3. dagur í fjögurra daga keppni
28. febr 4. dagur í fjögurra daga keppni
6. mars 1. dagur í þriggja daga keppni
13. mars 2. dagur í þriggja daga keppni
20. mars 3. dagur í þriggja daga keppni
3. apríl 1. dagur í fjögurra daga keppni
10. apríl 2. dagur í fjögurra daga keppni
17. apríl 3. dagur í fjögurra daga keppni
24. apríl 4. dagur í fjögurra daga keppni
Spilin hefjast alla dagana stundvíslega kl. 14:00
Fyrstu verðlaun kvenna og karla verða kr. 4.000,- og önnur verðlaun kr. 2.500,- auk þess fær sá sem oftast situr við sama borð svolitlar sárabætur.
Í fjögurra daga keppni eru spilaðir fjórir dagar, en þrír bestu gilda við útreikning stiga. Veitt eru heildarverðlaun að verðmæti kr. 10.000,- fyrir fyrsta sætið og kr. 5.000 fyrir annað sætið.
Sá sem verður hæstur eftir veturinn í heild mun fá sérstakan glaðning, eins konar heiðursverðlaun í vor.
Góðar kaffiveitingar eru eftir spilin. Miðaverð er kr. 1200,-.
Prjónakaffi í Breiðfirðingabúð
Prjónakaffið verður annan hvern mánudag, kl. 19:30 dagana 8. febr., 22. febr. 7. mars, 21. mars, 4. apríl og 18. apríl. Upplýsingar gefa Erla í síma 898-6747, Sæunn í síma 864-2201 og Jófríður í síma 862-6414. Takið með ykkur handavinnuna og/eða sjáið hvað verið er að gera. Kaffi og gos verður til sölu. Breiðfirðingafélagið Bridgedeild
Kæru spilafélagar. Nú er vetrarstarfið að hefjast og verður spilað á sunnudögum kl. 19:00. Fyrsta spilakvöldið verður sunnudagskvöldið 10. janúar og hefst kl. 19:00. Þetta fyrsta kvöld verður tvímenningur. Sjá dagskrá hér fyrir neðan. Spilakvöldið kostar kr. 1000 og er kaffi og te innifalið. Síðasti spiladagur í vor verður 8. maí. Vonumst til að sjá sem flesta. Hvetjum félaga okkar til að taka með sér nýja spilamenn. Hjá okkur er upplagt að byrja að æfa sig að spila Bridge. Allir velkomnir.
Kveðja
Stjórn Bridgedeildar Breiðfirðingafélagsins
Spilakvöldin fram á vor:
7. febrúar Tvímenningur keppni 3 af 4
14. febrúar Tvímenningur keppni 4 af 4
21. febrúar Tvímenningur
28. febrúar Hraðsveitakeppni 1 af 3
6. mars Hraðsveitakeppni 2 af 3
13. mars Hraðsveitakeppni 3 af 3
20. mars Páskamót/Barómeter
3. apríl Tvímenningur
10. apríl Tvímenningur keppni 1 af 4
17. apríl Tvímenningur keppni 2 af 4
24. apríl Tvímenningur keppni 3 af 4
1. maí Tvímenningur keppni 4 af 4
8. maí Aðalfundur/tvímenningur
Í 4 kvölda tvímenningi eru tekin 3 bestu skiptin og eru verðlaunapeningar fyrir 3 efstu sætin. Einnig eru verðlaun veitt fyrir hraðsveitakeppnina og barómeter
Helstu atriði dagskrár eftir áramót:
18. febr. Aðalfundur kl. 20:30
12. mars. Páskabingó, kl 14:30
8. maí. Dagur aldraðra, kl 14:30
1. júní. Gróðursetningarferð í Heiðmörk.
24. til 26. júní. Sumarferð félagsins, verður farin að Heimalandi, sem er rétt austan við Seljalandsfoss.
Tillögur um lagabreytingar
Stjórn Breiðfirðingafélagsins leggur til við aðalfund félagsins haldinn 18. febrúar 2016 eftirfarandi breytingar á lögum félagsins:
16. gr.
Ef samþykkt verður að slíta félaginu skulu eignir þess renna til stofnana og/eða félaga við Breiðafjörð, er sinna málefnum aldraðra eða starfa að mennta- og menningarmálum.
Nánari ákvörðun skal tekin á slitafundi félagsins.
Þessi grein hljóði svo eftir breytingu:
16. gr.
Ef samþykkt verður að slíta félaginu skulu eignir þess renna til tækjakaupa Landspítalans.
Aðalfundarboð
Aðalfundur Breiðfirðingafélagsins verður haldinn í
Breiðfirðingabúð fimmtudaginn 18. febrúar 2016
og hefst stundvíslega kl. 20:30
1. Venjuleg aðalfundarstörf
2. Lagabreytingar
3. Önnur mál
Kaffiveitingar